Khwab dekhna na chhoda humne;
Khwab me jeena, humne chhod diya.......
Khud se bhaagne ki fitrat na gayi ab tak;
Laut ke ghar aana, humne chhod diya...........
Toota aaj bhi hai seene me kuch pehle ki tarah;
Dil ke tukdo ko sanjona, humne chhod diya.......
Raah me thokar to ab bhi lagti hai yaaro.n;
Apno ne haath thamna , magar chhod diya......
Likhte ab bhi hai.n ki kuch farq aaye;
Kalam ko khoon me bhigona, magar chhod diya.......
Waqt rahega mere hone ka gawah "shahid";
Maqbooliyat ki chah ka aaina, magar chhod diya.......
No comments:
Post a Comment